21 Jul Volve “Parte de ti”, campaña de apoio ao rural baseada nas historias das produtoras e produtores do rural
Tralo éxito do ano pasado, a Asociación de Desenvolvemento Galicia Suroeste EuRural presentou hoxe no Edificio Multiusos Mercado de Sabarís por segundo ano a súa campaña de sensibilización “Parte de ti”.
No acto de presentación estiveron presentes os representantes dos 13 concellos que forman parte do Grupo de Desenvolvemento Rural (Galicia Suroeste Eurural) e Moisés Blanco Paradelo, subdirector de relación cos GDR de AGADER, Consellería do Medio Rural (Xunta de Galicia)
Ademáis, presentouse a historia de Patricia Fernández, que pasou de ter unha pequena empresa local de flor cortada a ter que reinventarse por mor do COVID, e crear Na Abada, unha nova forma de vender froita e verdura.
Ante o éxito da campaña Parte de ti, que se lanzou o ano pasado, Eurural decide ampliala un ano máis para dar a coñecer as grandes historias que hai detrás dos produtos da nosa contorna.
A presentación tivo lugar está mañá ás 11:30 horas no Edificio Multiusos Mercado de Sabarís e contou coas intervencións do alcalde de Baiona, Carlos Gómez, da alcaldesa de Tomiño e presidenta do GDR, Sandra González e do subdirector de relación cos GDR de AGADER, Consellería do Medio Rural (Xunta de Galicia), Moisés Blanco.
O Grupo de Desenvolvemento (Galicia Suroeste Eurural) é unha entidade sen ánimo de lucro formada por todo o tecido asociativo que hai nos concellos de Fornelos de Montes, Pazos de Borbén, Redondela, Mos, O Porriño, Tui, Tomiño, O Rosal, A Guarda, Oia, Baiona, Nigrán e Gondomar máis os propios concellos e entre todos encárganse de elaborar unha estratexia de desenvolvemento rural para todo o territorio.
Parte de ti nace polo obxectivo do grupo de dirixir o seu apoio ás persoas produtoras, transformadoras e comercializadoras do rural. Trátase, por tanto, dunha campaña enfocada a sensibilizar, concienciar e informar baseándose nas historias das produtoras e produtores. Cada unha destas historias cóntase en forma de vídeo para achegar a realidade do rural ao espectador. Este ano, ademáis, porase o foco tamén nos puntos de venda do rural e nas diferentes experiencias que os visitantes poden desfrutar nas distintas zonas que forman parte do GDR.
O proxecto forma parte das medidas de animación e promoción territorial da Submedida Leader 2014 – 2020 do PDR de Galicia, que xestiona o GDR a través dun convenio de colaboración coa Axencia Galega de Desenvolvemento Rural, e cuxa financiación procede nun 75% da Unión Europea a través do Feader, nun 2,5% do Ministerio de Agricultura, Pesca e Alimentación e nun 22,5% da Xunta de Galicia a través da Consellería do Medio Rural.
“Dos produtos locais nacen historias. Consumíndoos facemos posible que estas historias continúen e que siga viva a nosa cultura e a nosa identidade” Carlos Gómez, alcalde de Baiona.
“O verdadeiramente importante é sensibilizar á poboación que temos que facer un consumo sostible, de cercanía e que apoio aos nosos produtores” Sandra González, presidenta do GDR e alcaldesa de Tomiño.
“Parte de ti é un deses proxectos con nomes, apelidos e soños detrás”, Moisés Blanco, subdirector de relación cos GDR de AGADER, Consellería do Medio Rural (Xunta de Galicia)
Durante a rolda proxectouse o vídeo de presentación da campaña e unha das historias dunha das produtoras, Patricia Fernández, de Na Abada, que ademais interviu para compartir como foi o seu proceso de reinvención ao ter que converter, debido a crise do COVID, a súa empresa local de flor cortada nun novo proxecto, Na Abada, unha empresa de venda de froitas e verduras que combina as novas tecnoloxías e os xeitos de cultivo tradicionais, poñendo así a disposición dos consumidores produtos de tempada apañados na horta no momento, sans e libres de todo tipo de químicos, cun método de envasado que non produce residuos.
“Sabíamos que esta oportunidade tiña que ser aproveitada para mellorar, e sabemos que coa nosa proposta estamos contribuindo a mellorar o agro, a mellorar o medio ambiente, a mellorar a alimentación de cada cliente. En definitiva, estamos contribuindo a mellorar a nosa vida e as dos que desexan formar parte deste proxecto, que cada vez é maior.” Patricia Fernández, produtora
Ademais da historia de Na Abada presentaranse ao longo da campaña outros proxectos coma Ceramica Q, Vionkas Bake, Calabizo, Orpagu Pesca de Anzuelo, Areladefé, Grupo Godoy Maceira ou Xorxios Café.
Poderanse visualizar estes vídeos na web https://partedeti.eurural.org/ e nas redes sociais de Eurural (@eurural_gdr14) . Ademais os produtores e comerciantes que vendan produto do rural poderán formar parte do directorio de Parte de ti cubrindo o formulario disponible na web (https://partedeti.eurural.org/queres-formar-parte-deste-proxecto/)
Asistiron á presentación: Moisés Blanco, subdirector de relación cos GDR de AGADER, Consellería do Medio Rural (Xunta de Galicia); Emiliano Lage, alcalde de Fornelos de Montes; Eloisa Nogueira, teniente de alcalde de Pazos de Borbén; David Alonso Bargiela, concelleiro de O Porriño; Ana María Núñez, concelleira de Tui;Ánxela Fernández Callís, alcaldesa de O Rosal; Monserrat Magallanes, teniente de alcalde de A Guarda; Carlos Gómez Prado, alcalde de Baiona; Paco Ferreira, alcalde de Gondomar; Juan González, alcalde de Nigrán; Camilo Augusto, teniente de alcaldesa do concello de Mos.